Русин ФМ – Радіо про вшыткых Русинів

На Словеньску мають народностны меншыны, в першім ряді русиньска, стяжену позіцію до майорітной сполочности. Не є то выкликане лем недостатками народностной політікы, але і з причіны великой асімілації з векшыновым жытельством. У молодых є видна незналость языка, хыблять їм інформації о Русинах. Днесь є векшына людей доступна на інтернеті, зато хочеме зхосновати тот простор і выповнити розрыв у народностнім высыланю радія на інтернеті.